Books › Les ancêtres du violon et du violoncelle: les luthiers et les fabricants d'archets, vol. 1, 1901 › scan 125
Scan 125
Les ancêtres du violon et du violoncelle: les luthiers et les fabricants d'archets, vol. 1, 1901
2 lines. Read by computer on 29 September 2026. No printed page number was found. See the scan on archive.org.
1« — Ciertes, dist-elle, oil, un qui ja estoit bien a . IIII . ans, « mais nous ne poons savoir qui il est certainement. Mais « on le garde moult songneusement, et bien espérons qu’il « est gentius hom et grant sires. » Et quand Blondiaus entendi ces paroles si fu merveilles liés et li sembla en son cuer qu’il avoit trouvé çou qu’il quéroit. Mais ains ne sist samblant al ostesse. La nuit dormi et fu aise et quant il oï la gaite corner le jour, si se leva et ala à l’église proijer Dieu qu’il li aidast, et puis vint au castiel et s’accointa au castelain de laiens, et dist qu’il estoit menestreus de viièle et volontiers demouroit avec lui s’il lui plaisoit. Li castelains estoit jouenes chevaliers et jolis et dist qu’il le retenroit volentiers. Adonc fu liés Blondiaus et ala querre sa viièle et ses estrumens et tant servi le castelain qu’il fu moult bien de laiens et de toute la maisnic et moult plot ses siervices. Ensi demoura laiens tout l’iver, onques ne pot savoir qui li prisoniers estoit. Et tant qu’il aloit .1. jour, ès fesles de Pasqucs, par le jardin qui estoit lès la tour, et regarda entour, savoir se par aventure poroit veoir le priso- nier. Ensi come il estoit en cette pensée, li rois regarde et vit Blondiel et pensa coment il se seroit à lui conoistre; et li souvint d’une canchon qu’il avoient fait entr’caux deux, que nus ne savoit fors que eux deus. Si comencha haut et clèremen t à canter le premier vier, car il cantoit très bien. Et quant Blondiaus l’oï, si sot certainement que c’estoit ses Sires. Si ot à cuer le plus grant joie quil ot onques mès à nul jour. Et se parti maintenant dou vergier et entra en sa cambre où il gisoit, et prist sa viièle et comencha à vièler une note, et en violant se delitoit de son Signeur qu’il avoit trouvé. Ensi demoura Blondiaus deschi à pentccousle, et si bien se couvri que nus ne se pierchut de son affaire. Adont vint Blondiaus au castelain et li dist : « Sire, s’il « vous plaist, je me iroie volentiers en mon pays, car lonc « tans a que je n’i sui. — Blondiel, biau frère, ce dist li « castelains, ce ne ferez vous mie, se vous m’en créés.
The computer misreads some letters and numbers. Where a name matters to you, read the scan.