Books › Les ancêtres du violon et du violoncelle: les luthiers et les fabricants d'archets, vol. 1, 1901 › scan 126
Scan 126
Les ancêtres du violon et du violoncelle: les luthiers et les fabricants d'archets, vol. 1, 1901
6 lines. Read by computer on 29 September 2026. No printed page number was found. See the scan on archive.org.
1« Mais demorès encore et je vous ferai grant bien. — Ciertes, Sire, dist Blondiaus, je ne demouroie en nule manière. » Quant li castelains vit qu’il ne le pooit retenir, si li octria le congier et li donna boine ronchi noeve. A tant se parti Blondiaus dou castelain et ala tant par ses journées qu’il vint en Engleterre et dist as amis le Roi et as barons, où il avoit le Roi trouvé et coment. Quant il orent entendu ces nouvièles si en furent moult liés. Car li rois estoit li plus larges chevaliers qui onques cauçast esporon. Et present conseil entr’aus qu’il envoiroient en Osteriche au dus pour le roi raiiembre : et eslurent .ii. chevaliers qui là iroient, des plus vaillans et des plus sages. Et tant alèrent par lor journées qu’il vinrent à Osteriche au dus et le trouvèrent en .1. sien castiel et le saluèrent de par les barons d’Engleterre et li disent : « Sire, il vous mandent et prient « que vous prendès de lor signor raenchon : et il vous en « donront tant qu’il vous venra en gré. » Li dus lor respondi qu’il s’en conselleroit. Et quant il s’en fu conselliés si dist : Signeur se vous le volès ravoir, il le vous convient racater de .ii. cens mil mars d’esterlins; et si n’en reprendès plus ma parole, car ce seroit paine perdue. — Atant present li message congiet au dus et disent que ce reporteroient li as barons et puis si en eussent conseig. Adont revinrent en Engletèrre et disent as barons çou que li dus lor avoit dit. Et il disent que ja pour cou ne demouroit. Adonc fisent aprester lor raenchon et le fisent envoier au dus. Et li dus delivra le roi. Mais anchois li fist douner boine sureté que jamais il n’en seroit moliesté.
3« Ensi avint que li rois Richars su raiiens et su recheus en Engleterre à grant houneur : mais sa terre en fut moult grevée et les églises del regne, car il lor convint mettre jusques as calices, et cantèrent lone tans en calisces d’estain. »
5Les ménestrels jouaient un rôle important dans la création des chevaliers. Avant la cérémonie du bain, « vont par devant
The computer misreads some letters and numbers. Where a name matters to you, read the scan.